Telur hagvaxtarmarkmið nást í Kína

Líklegt er að hagvöxtur verði 7,5% í Kína á þessu ári eins og stefnt hefur verið að þrátt fyrir umbætur sem ráðist hefur verið í af kínverskum stjórnvöldum til þess að stuðla að jafnvægi í efnahagslífi landsins.

Þetta hefur fréttaveitan AFP eftir Jim Yong Kim, bankastjóra Alþjóðabankans, en ummælin lét hann falla á blaðamannafundi í kínversku borginni Shanghai í morgun. Fjögurra daga heimsókn Kim til Kína hófst í dag. Sagðist hann ennfremur telja að ráðstafanir Kínverja í efnahagsmálum væru á réttri leið en þær hafa meðal annars snúist um að draga úr mikilvægi stórra fjárfestinga og leggja þess í stað áherslu á neysludrifið hagkerfi.

Hagvöxtur í Kína var 7,7% á síðasta ári sem er það minnsta frá árinu 1999.

• 1 blogg um fréttina

Bloggað um fréttina

• Sigurður Haraldsson: Blaðra!