Guðmundur á Núpum gjaldþrota
Setja bókamerki
Guðmundur A. Birgisson, bóndi og fjárfestir á Núpum í Ölfusi, hefur verið úrskurðaður gjaldþrota. Þetta kemur fram í Lögbirtingablaðinu í dag. Guðmundur var mjög umsvifamikill í íslensku atvinnulífi á síðustu árum og var hann meðal annars hluthafi í Sláturfélagi Suðurlands, HB Granda, Hótel Borg og fleiri félögum. Þá var hann einn af forystumönnum félagsins Lífsvals, sem keypti jarðir um allt land á árunum fyrir hrun. Félagið komst seinna í eigu Hamla, dótturfélags Landsbankans.
Í frétt vb.is er sagt frá því að Guðmundur hafi verið annar umsjónarmanna minningarsjóðs auðkonunnar Sonju Zorrilla, en hún lést árið 2002 og er talið að eignir hennar hafi numið um tíu milljörðum króna. Efnaðist hún vel á fjárfestingum á Wall Street, en sjóðurinn átti að styrkja langveik börn á Íslandi og í Bandaríkjunum.
Þarf að koma til móts við ólíkar þarfir lækna
Reiðubúin að aflýsa verkföllum í fjórum leikskólum
Yfir 300 stæði fóru undir hraun
Vegirnir voru eins og borðstofuborð
Sjötti ferðamaðurinn er látinn
Hraun kemur úr þremur gígum: Virknin stöðug
Pútín reynir allt til að forðast aðra herkvaðningu
