Múrbúðinni var boðið í verðsamráð

Baldur Björnsson, framkvæmdastjóri Múrbúðarinnar, segir í opnuviðtali við Viðskiptamoggann að starfsmenn Byko og Húsasmiðjunnar hafi boðið Múrbúðinni að taka þátt í verðsamráði árið 2010.

Samkeppniseftirlitið hafi samstundis verið upplýst um málið. Múrbúðin hafði þá unnið að undirbúningi þess að selja grófvörur, þ.e. plötur og timbur. Skömmu áður en salan hófst settur risarnir á markaðum sig í samband við starfsmenn verslunarinnar. 

„Starfsmaður Húsasmiðjunnar hringdi og starfsmaður Byko vingaðist við starfsmann hjá mér og í ljós kom að þeir vildu skiptast á upplýsingum. Þeir sögðu að það mætti ekki senda tölvupóst heldur yrði að hittast enda væri aldrei að vitað yfir hvaða gögn eftirlitsaðilarnir kæmust,“ segir Baldur í samtali við Viðskiptamoggann.