Rússnesk yfirvöld segja fólki í landinu að örvænta ekki þrátt fyrir að rúblan hafi fallið enn frekar í dag og er hún nú í sögulegu lágmarki frá því að hún var tekin upp árið 1998. Viðskiptabann Bandaríkjamanna og Evrópusambandsins eru farnar að segja til sín en aðgerðirnar voru settar í kjölfar innrásar Rússa í Úkraínu.
Verðbólgan í Rússlandi var töluvert há áður en viðskiptabannið var sett á og hafa Rússar áhyggjur af því að lækkandi rúbla muni auka enn á bólguna.
Yfirlýsing stjórnvalda kemur á sama tíma og rússneski seðlabankinn tilkynnti um aðgerðir í efnahagsmálum til þess að bæta lausafjárstöðu bankanna í landinu. Eiga aðgerðirnar að vega upp á móti þvingunaraðgerðum Bandaríkjamanna og Evrópusambandsins, sem koma í veg fyrir að rússneskir bankar geti sótt sér lánsfé erlendis frá.
Sjá frétt BBC