EasyJet bætir við tveimur flugleiðum

Breska flugfélagið easyJet mun á næstkomandi mánudag bæta tveimur flugleiðum við áætlunarkerfi félagsins til og frá Íslandi; London Gatwick og Genf.

Þá mun félagið hefja reglulegt flug milli Belfast og Íslands þann 12. desember. Þar með flýgur félagið til átta áfangastaða frá Íslandi, og áætlar easyJet að flytja um fjögur hundruð þúsund farþega á þessum flugleiðum. Með tilkomu þessara flugleiða bjóðast tengingar til á annað hundrað borga í Evrópu og N-Afríku.

EasyJet flugfélagið er í heild með 134 áfangastaði á 700 flugleiðum í 32 löndum og notast við rúmlega 220 Airbus flugvél. Starfsmenn easyJet eru rúmlega átta þúsund talsins og þar með talið tvö þúsund flugmenn flugmenn og yfir 4.500 flugliða. 

• Blogga um frétt