F&F í allar verslanir Hagkaups

Auglýsing frá F&F
Auglýsing frá F&F Mynd/Hagkaup

Opnun verslunar alþjóðlegu tískuvörukeðjunnar F&F í verslun Hagkaups í Kringlunni er einungis fyrsta skrefið en á næsta ári verða vörurnar teknar inn í allar verslanir Hagkaups sem selja fatnað. „Þetta er verslun í verslun. Við verðum áfram með Hagkaupshlutann en einnig með F&F hlutann,“ segir Gunnar Ingi Sigurðsson, framkvæmdastjóri Hagkaups.

Verslunin opnar í verslun Hagkaups á annarri hæð í Kringlunni þann 8. nóvember og segir Gunnar að leit að sterkum samstarfsaðila hafi lengi staðið yfir og ríkir mikil ánægja með niðurstöðuna. „Við komumst þarna í heildarpakkann þar sem hægt er að fá fatnað á alla fjölskylduna. Þetta er flott merki og flott verð,“ segir hann en í tilkynningu Haga um opnunina kom fram að verðin væru ólík því sem áður hefur sést á Íslandi.

„Við erum með staðsetningar og fjárfestingar úti um allt land og þarna fáum við inn tilbúna heildarhugmynd sem fellur vel að okkar áætlunum. Ég held að þetta verði bara mjög gott fyrir land og þjóð,“ segir Gunnar.

Í verslun Hagkaups í Kringlunni verður áfram snyrtivörudeildin auk þess sem haldið verður í séríslensku vörurnar líkt og útivistarfatnað.

F&F keðjan hóf starf­semi árið 2001 og starf­ræk­ir á þriðja þúsund út­sölustaði í yfir tutt­ugu lönd­um. Versl­un­in er hluti bresku versl­un­ar­keðjunn­ar Tesco.

 Frétt mbl.is: Verð sem ekki hafa sést áður

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK