Kaupin fara ekki yfir 400 milljónir

Fjarskipti rekur Vodafone.
Fjarskipti rekur Vodafone. mbl.is/Ómar

Stjórn Fjarskipta hf. hefur tekið ákvörðun um framkvæmd endurkaupaáætlunar um kaup á eigin bréfum í þeim tilgangi að lækka útgefið hlutafé félagsins.

Endurkaupin munu að hámarki nema 10.300.000 hlutum eða 3,06% af útgefnum hlutum í félaginu., en þó þannig að heildarkaupverð verði ekki meira en 400 milljónir króna. Áætlunin er í gildi til 31. desember 2015 eða skemur ef skilyrði um hámarkskaup eru uppfyllt fyrir þá dagsetningu.

Á aðalfundi félagsins hinn 19. mars sl. var samþykkt að heimila félaginu kaup á eigin hlutum allt að 10% af hlutafé félagsins.

í tilkynningu frá Fjarskiptum segir að fyrirtækjaráðgjöf Landsbankans muni hafa umsjón með framkvæmd áætlunarinnar og taka allar viðskiptaákvarðanir er varða kaup á hlutum og tímasetningu kaupanna óháð félaginu.

Framkvæmt í áföngum

Kaup samkvæmt endurkaupaáætluninni verða framkvæmd í áföngum, þó þannig að kaup hvers dags munu að hámarki nema 321.267 hlutum eða sem nemur 25% af meðaltali daglegra viðskipta með hlutabréf félagsins á aðalmarkaði Kauphallar Íslands hf. í júní 2015.

Verð fyrir hvern hlut skal vera að hámarki hæsta verð síðustu óháðu viðskipta eða hæsta fyrirliggjandi óháða kauptilboð í þeim viðskiptakerfum þar sem viðskipti með hlutina fara fram, hvort sem er hærra.

Viðskipti Fjarskipta hf. með eigin hluti á grundvelli endurkaupaáætlunarinnar verða tilkynnt eigi síðar en við lok sjöunda viðskiptadags eftir að viðskiptin fara fram

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK