Í ágúst varð heildarveltuaukning á Visa kreditkortaviðskiptum um 4,19% ef miðað er við sama tímabil í fyrra. Notkun innanlands jókst um 2,71% en erlendis var veltuaukningin 11,21%.
Aukningin er minni en var í júlímánuði þegar hún nam 6,67% milli ára.
Velta í áfengisverslunum dróst saman um 10,22% milli ára samanborið við 13,54% vöxt í júlí.
Velta á bensínstöðvum og með eldsneyti dróst saman um 15,54% samanborið við 8,68% samdrátt í júlí.
Í matvöru- og stórverslunum jókst velta um 2,61% og var aukningin minni en í júlí þegar hún nam 5,26%.