Í myndbandi CNN hér að neðan má sjá inn í verksmiðju Boeing þar sem verið er að smíða 787-9 Dreamliner flugvél á einungis tveimur mínútum. Myndabandinu hefur vitanlega verið hraðað þar sem verkið tekur nokkuð lengri tíma.
Vélarnar eru nýjar úr framleiðslu Boeing og eru m.a. með stærri gluggum en áður og um sex metrum lengri en þær sem nú eru í umferð, þ.e. 787-8, en koma má um fjörtíu fleiri farþegum fyrir í vélinni.
Í myndbandinu má sjá að vélin sem er verið að smíða mun fljúga undir merkjum British Airways en félagið fékk einmitt fyrstu slíku vélina afhenta í lok september.
Frétt mbl.is: Fer næstum lóðrétt í loftið