Í dag munu Ragnheiður Elín Árnadóttir, iðnaðar- og viðskiptaráðherra og Grímur Sæmundsen, formaður Samtaka ferðaþjónustunnar kynna nýjan vegvísi fyrir íslenska ferðaþjónustu á kynningarfundi sem fram fer í Silfurbergi í Hörpu kl. 14.00.
Fundurinn er sýndur í beinni útsendingu á mbl.is og streymið er aðgengilegt hér að neðan.
Undanfarið ár hafa atvinnu- og nýsköpunarráðuneyti og Samtök ferðaþjónustunnar staðið að vinnu í mótun framtíðarsýnar fyrir íslenska ferðaþjónustu. Vöxtur í greininni hefur verið ævintýri líkastur undanfarin misseri með gríðarlegum tækifærum en líka verkefnum til úrlausnar.
Jafnframt kemur út skýrsla sem dreift verður á fundinum. Hægt verður að nálgast skýrsluna á vefsíðum Ferðamálastefnunnar, vefsíðu Atvinnuvega- og nýsköpunarráðuneytis og á vefsíðu Samtaka ferðaþjónustunnar.