Faðir leikarans Paul Walker, sem lést í bílslysi fyrir tæpum tveimur árum síðan, hefur höfðað mál gegn bílframleiðandanum Porsche. Hann telur bílinn sem Walker keyrði hafa skort ákveðin öryggisatriði sem eigi að vera til staðar í hefðbundnum bílum.
Walker var farþegi í bíl af tegundinni Porsche Carrera GT sem vinur hans Roger W. Rodas keyrði þegar slysið varð. Bíllinn var markaðssettur sem kappakstursbíll sem mætti nota á götunum.
Faðirinn, Paul William Walker III, segir bílhurðirnar hafa verið af lélegri gæðum en hurðar margra ódýrari tegunda á borð við Honda Civic. Þá hafi hönnunin á öryggisbeltinu verið léleg þar sem Walker gat ekki losað beltið eftir slysið og var á lífi í eina mínútu og tuttugu sekúndur eftir að slysið varð en komst hins vegar ekki út úr bílnum áður en hann varð alelda.
Kæran var lögð var í Los Angeles á miðvikudag.
Ekkja ökumannsins hefur áður lagt fram svipaða kæru. Porsche hefur neitað sök en málinu er ekki lokið.
Frétt mbl.is: Porsche kært vegna dauða Walkers