Gengið hefur verið frá kaupum Icepharma hf. á öllu hlutafé í Yggdrasil ehf. Seljendur eru Auður I fagfjárfestasjóður og Eignarhaldsfélagið Lifandi ehf. Kaupin eru háð samþykki Samkeppniseftirlitsins.
Yggdrasill ehf. var stofnað árið 1986 og er heildsölufyrirtæki í innflutningi og sölu á lífrænum vörum og heilsuvörum. Helstu vörumerki félagsins eru NOW fæðubótarefni, matvörur undir merki Himneskrar Hollustu, Isola jurtamjólk, Nakd hrábarir m.m.
Icepharma hf. er leiðandi fyrirtæki á heilbrigðismarkaði og hefur sérhæft sig í innflutningi á lyfjum, tækjum og búnaði fyrir heilbrigðiskerfið auk innflutnings á heilsu- og íþróttavörum. Má þar nefna vítamínin Hollusta heimilisins, lífræna barnamatinn frá HiPP, snyrtivörurnar frá Burt‘s Bees auk þess að vera umboðsaðili fyrir íþróttavörur frá NIKE og Speedo.
Í tilkynningu er haft eftir Margréti Guðmundsdóttur, forstjóra Icepharma, að starfsemi Yggdrasils falli vel að starfsemi Icepharma enda hafi fyrirtækið trú á því að aukin áhersla verði á heilbrigðan lífsstíl á næstu árum.