Árið 2013 var heimsaflinn 93,8 milljónir tonna, sem er 1,4 milljónum tonnum meira en árið áður, samkvæmt tölum Matvæla- og landbúnaðarstofnunar Sameinuðu þjóðanna (FAO).
Samkvæmt frétt Hagstofunnar veiddist mestur afli í Kyrrahafi. Mest veidda tegundin er perúansjósa, eins og á síðustu árum, en næstmest veidda tegundin er alaskaufsi.
Mest af heimsaflanum var veitt í Asíu, næstmest í Ameríku og svo Evrópu.
Líkt og áður veiddu Kínverjar mest allra þjóða árið 2013, en Norðmenn veiddu mest allra Evrópuþjóða og eru í 12. sæti yfir mestu veiðiþjóðir.
Íslendingar veiddu næstmest allra Evrópuþjóða og eru í 18. sæti heimslistans, líkt og árið áður, með 1,47 prósent af heimsaflans.