Ráðinn sveitarstjóri Skútustaðahrepps

Þorsteinn Gunnarsson hefur verið ráðinn sveitarstjóri Skútustaðahrepps en alls bárust 23 umsóknir um starfið. 

<span>Ráðningin var gerð í samstarfi við Capacent sem hafði umsjón með úrvinnslu umsókna, segir í frétt <a href="http://www.640.is/is/frettir/thorsteinn-gunnarsson-radinn-sveitarstjori-skutustadahrepps" target="_blank">640.is.</a></span>

Þorsteinn hefur í tæp 9 ár starfað hjá Grindavíkurbæ, fyrst sem upplýsinga- og þróunarfulltrúi og svo sem sviðsstjóri frístunda- og menningarsviðs og hefur því víðtæka reynslu innan stjórnsýslunnar.

Hann starfaði um árabil í fjölmiðlum, m.a. á Stöð 2. Hann er með meistarapróf í verkefnisstjórnun (MPM) og diplóma og í opinberri stjórnsýslu og lærði fjölmiðlafræði í Svíþjóð á sínum tíma.

Þorsteinn hefur setið í fjölmörgum nefndum og ráðum, m.a. í stjórn Ferðamálasamtaka Reykjaness og Reykjanes Geopark. Eiginkona hans er Rósa Signý Baldursdóttir grunnskólakennari og eiga þau þrjú börn.