Siggi's semur við Starbucks

Nú geta viðskiptavinir kaffirisans Starbucks fengið skyr frá framleiðandanum Siggi‘s sem stofnað var af Sigurði Hilmarssyni í New York árið 2004.

Um er að ræða vanilluskyr gert úr Bourbon vanillu frá Madagaskar og á heimasíðu Starbucks er það sagt „seðjandi og með örlítill sætu“. Samkvæmt Facebooksíðu Siggi‘s er hægt að fá skyrið í flestum verslunum Starbucks í Bandaríkjunum.

Vörurnar frá Siggi‘s eru framleiddar úr mjólk frá bændum í New York ríki og er hægt að fá vörurnar í um 11.000 matvöruverslunum í Bandaríkjunum.

• Blogga um frétt