Í árslok 2016 námu aflandskróuaeignir samtals 191 milljörðum króna. og höfðu minnkað um ríflega 128 milljarða króna frá 31. mars 2016. Í árslok var mest af aflandskrónunum í ríkisbréfum, ríkisvíxlum og öðrum bréfum með ríkisábyrgð, 105,6 milljarðar króna í reiðufé og innstæðubréfum Seðlabankans voru 72,7 milljarðar króna og 12,8 milljarðar króna í öðru eignaformi.
Greint er frá þessu á vef Seðlabanka Íslands.
Í maí á síðast ári tóku gildi lög um meðferð krónaeigna sem háðar eru sérstökum takmörkunum. Lögin mæltu fyrir um afmörkun aflandskrónaeigna og flutning þeirra á umsýslureikninga í Seðlabankanum og á reikninga háðum sérstökum takmörkunum. Í greinargerð með frumvarpinu var birt mat á heildarumfangi aflandskrónaeigna eins og þær voru 31. mars, byggt á greiningu Seðlabanka Íslands.
Aflandskrónaeignir voru þá áætlaðar 319,1 milljarðar króna. Í júní hélt Seðlabankinn gjaldeyrisútboð fyrir aflandskrónaeigendur þar sem tilboðum var tekið fyrir samtals 82,9 milljarða króna. Þá var eigendum aflandskrónaeigna heimilt að eiga gjaldeyrisviðskipti við Seðlabankann á viðmiðunargenginu 220 krónur á evru til 1. nóvember og leituðu þá um 15,5 milljarðar króna. útgöngu.