Ingibjörg Ólöf Vilhjálmsdóttir, formaður stjórnar Íbúðalánasjóðs, hefur beðist lausnar úr stjórn Íbúðalánasjóðs. Ingibjörg Ólöf mun á næstunni taka við nýju starfi á erlendum vettvangi.
Núverandi varaformaður stjórnar, Sigurbjörn Ingimundarson, mun taka við formennsku í stjórninni tímabundið þar til ráðherra hefur skipað á ný í stjórnina. Þetta kemur fram í tilkynningu sjóðsins til Kauphallarinnar.