Vogunarsjóðurinn Eaton Vance Management á orðið yfir 5% hlut í smásölufyrirtækinu Högum sem meðal annars á og rekur Hagkaup og Bónus. Á sjóðurinn í Högum í gegnum sex fjárfestingasjóði. Þetta kemur fram í tilkynningu til Kauphallarinnar.
Samkvæmt tilkynningunni á félagið nú 59.997.036 hluti í Högum, eða 5,12% af bréfum þess.
Sjóðirnir sex sem um ræðir eru Global Opportunities Portfolio, Global Macro Portfolio, Global Macro Absolute Return Advantage Portfolio, JNL/Eaton Vance Global Macro Absolute Return Advantage Fun, Pacific: IGPACSEL/Pacific Select Fund Global Absolute Return Fund og PF Global Absolute Return Fund.
Fyrr í mánuðinum var tilkynnt um að sömu sjóðir hefðu bætt við hlut sinn í VÍS og ættu nú 8,76% hlut í félaginu. Höfðu þeir þá bætt um 5 prósentustigum við eign sína í VÍS á nokkrum mánuðum.