Eigendur 96,69% hlutafjár í Virðingu hafa samþykkt tilboð stjórnar Kviku í hlutafé fyrirtækisins, en skilyrði var að tilboðið yrði samþykkt af eigendum meira en 90% hlutafjár. Kaupverð nemur 2.560 milljónum króna og verður greitt með reiðufé. Kaupin eru áfram háð samþykki á hluthafafundi Kviku og samþykkis eftirlitsstofnana. Þetta kemur fram í tilkynningu frá Kviku.
Stefnt er að því að sameina félögin undir nafni Kviku, en sameinað félag verður með um 235 milljarða króna í eignastýringu og fjölda sjóða í rekstri.
Hjá Kviku starfa 86 sérfræðingar. Bankinn er í eigu lífeyrissjóða, fyrirtækja og einstaklinga. Forstjóri hans er Ármann Þorvaldsson og formaður stjórnar Þorsteinn Pálsson.