Tveir lánveitendur veita nú allt að 90% íbúðalán og segja talsverða eftirspurn vera eftir slíkum lánum.
Framtíðin lánasjóður, í eigu sjóðs í stýringu hjá GAMMA, hóf nýverið að veita húsnæðislán sem eru hugsuð til viðbótar við lán frá lífeyrissjóði eða banka upp í allt að 90% af kaupvirði fasteignar.
Lánin eru verðtryggð og til 5 til 25 ára en vextir ráðast af veðsetningarhlutfalli og eru sambærilegir vöxtum á óverðtryggðum lánum í viðskiptabanka. Íslandsbanki býður upp á óverðtryggð aukalán til fyrstu kaupa sem mega nema 90% af kaupvirði, að því er fram kemur í fréttaskýringu um þetta efni í Morgunblaðinu í dag.