WOW air bætir við tveimur nýjum NEO vélum

Skúli Mogensen, forstjóri WOW air.
Skúli Mogensen, forstjóri WOW air. mbl.is/RAX

WOW air hefur undirritað samning um að taka í notkun tvær nýjar Airbus A320neo flugvélar, árgerð 2018, í október á næsta ári, en um er að ræða þurrleigusamning við Avolon.

Þetta kemur fram í fréttatilkynningu frá WOW air. Þar kemur fram að með samningnum hefur félagið tryggt sér alls níu „neo“ Airbus flugvélar, en þær eru nýjustu flugvélarnar frá Airbus og fremstar í sinni röð. Vélarnar nýta nýja tegund hreyfla sem minnkar eldsneytisnotkun um 14% miðað við núverandi tækni. Fyrsta vélin af þessari tegund, TF NEO, var tekin í notkun nú í vor en WOW air var fyrsta flugfélagið í Evrópu til að fá slíka vél afhenta. Samhliða þessu mun WOW air skila tveimur Airbus A320ceo vélum árgerð 2010.

Í lok árs 2018 verða flug­vél­ar WOW air orðnar 24 tals­ins, þar með talið fjórar nýjar Airbus A330-900neo breiðþotur sem eru stærri og langdrægari en aðrar vélar á Íslandi og verða þær notaðar við áfram­hald­andi stækk­un fé­lags­ins.

„Það er ánægjulegt að geta haldið áfram að bjóða upp á langyngsta flotann á Íslandi og þótt víðar væri leitað. Ekki aðeins eru nýju vélarnar langdrægari og umhverfisvænni heldur eru þær einnig hagkvæmari í rekstri sem gerir okkur kleift að bjóða áfram upp á besta verðið,“ er haft eftir Skúla Mogensen forstjóra WOW air.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK