Hætta við sólarkísilverksmiðju

Hvíti ramminn á myndinni sýnir lóðina á Grundartanga þar sem …
Hvíti ramminn á myndinni sýnir lóðina á Grundartanga þar sem til stóð að Silicor Materials reisti sólarkísilverksmiðju. Ekki verður af áformunum.

Bandaríska fyrirtækið Silicor Materials hefur fallið frá þremur samningum við Faxaflóahafnir sf. um uppbyggingu sólarkísilvers á Grundartanga. Verður því ekki af áformum um uppbyggingu sólarkísilversins. Þetta staðfestir hafnarstjóri Faxaflóahafna í samtali við Morgunblaðið.

Michael Russo, framkvæmdastjóri Silicor Materials Iceland ehf., sendi hafnarstjóra Faxaflóahafna tilkynningu í lok ágúst sem felur í sér að lóðarsamningur, lóðarleigusamningur og hafnarsamningur, sem upphaflega voru undirritaðir í apríl 2015, taki ekki gildi. Bréfið var tekið fyrir á stjórnarfundi Faxaflóahafna sf. í gær.

„Um nokkra hríð hefur okkur verið ljóst að það voru erfiðleikar í fjármögnun,“ segir Gísli Gíslason, hafnarstjóri Faxaflóahafna, í umfjöllun um mál þetta í Morgunblaðinu í dag. „Nú er útséð um að málið gangi upp af þeirra hálfu.“ Fyrirtækið hafði áður hægt á þróunarvinnu við verkefnið og seinkað byggingaráformum vegna tafa við fjármögnun.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK