Pútín leggur óvæntan ráðherrakapal
Setja bókamerki
Vladimír Pútín, forseti Rússlands, hefur vikið varnarmálaráðherra landsins til 12 ára úr embætti og tilnefnt efnahagsráðgjafa sinn, sem hefur engan bakgrunn í hernaði, til að taka við embættinu.
Pútín hefur tilnefnt hagfræðinginn Andrej Belúsov til þess að taka við af Sergei Shoígú, fráfarandi varnarmálaráðherra.
Shoígú var skipaður varnarmálaráðherra Rússlands árið 2012. Ráðherrakapallinn kemur á sama tíma og rússneskar hersveitir sækja fram á vígvellinum í fyrsta sinn í marga mánuði.
Áhrifamikill efnahagsráðgjafi
Pútín birti jafnframt tilskipanir um að Shoígú yrði útnefndur sem nýr ritari öryggisráðs Rússlands í stað Nikolaj Patrúsjév, bandamanns Pútíns til margra ára.
„Shoígú mun starfa áfram í þessum geira [varnarmálum], sem hann þekkir vel,“ hefur AFP-fréttaveitan eftir Dmitrí Peskov, talsmanni Kremlar.
Pútín þarf samkvæmt stjórnarskrá að tilnefna nýja ráðherra, eða endurskipa þá sem þegar sitja, eftir sigur sinn í kosningum í mars. Þingið þarf síðan að samþykkja tilnefningarnar en til stendur að gera það á þriðjudag.
Þrátt fyrir ýmis áföll í innrásinni í Úkraínu hefur Pútín staðið með Shoígú fram að þessu, jafnvel í uppreisn Wagner-málaliða í fyrra, þar sem afsagnar Shoígú var krafist.
Belúsov, hefur engan hernaðarlegan bakgrunn en hefur þó verið einn áhrifamesti efnahagsráðgjafi Pútíns undanfarinn áratug.
Kveðst engar kvittanir hafa fengið frá Höllu Hrund
„Tökum erfiðar ákvarðanir þó að einhverjir verði brjálaðir“
Enn að fá vísbendingar um seðla í umferð
Fyrst og fremst persónulegur harmleikur
Dæmigert mál sem ríkisstjórnin hummar fram af sér
Ördæmi um óréttlæti sem fylgi íslensku krónunni
/frimg/1/49/43/1494326.jpg)
Brekkan var lækkuð og beygjan lagfærð
