Síðastliðið miðvikudagskvöld fór fram stórglæsileg kokteilkeppni á vegum Whitley Neill og Innnes. Þema keppninnar var Long Drink og voru 28 keppendur sem tóku þátt.

„Það var gaman að sjá að fulltrúa frá 16 veitingastöðum og börum töfra fram stórglæsilega gin kokteila,“ segir Jóhanna Ýr Hallgrímsdóttir markaðstjóri hjá Innnes. Hjálmar Örn stýrði kvöldinu eins og honum einum er lagið og hélt uppi stuðinu. Áhorfendum gafst síðan kostur á að smakka breytt úrval af Whitley Neill gini og voru einnig stórglæsilegar veitingar í boði sem starfsmenn Innnes framreiddu.

Úrslit kvöldsins voru eftirfarandi:

1. Sigurjón Tómas Hjaltason frá Rvk Cocktails
2. Robert Proppé frá Drykk Bar - Pósthús Mathöll
3. Guðrún Björk Geirsdóttir frá BerjayaIceland Hotels

Frumlegasti kokteilinn átti Kría frá Tipsý bar.

Dómnefndina skipuðu:

• Georg Leite frá Kalda Bar
• Kristín Ruth útvarpskona á FM957
• Ómar Vilhelmsson frá Barþjónaklúbb Íslands
• Edward Williamson frá Halewood / Whitley Neill

„Við erum alsæl með hversu vel tókst til og þökkum öllum keppendum kærlega fyrir þátttökuna og sérstakar þakkir til Barþjónaklúbbs Íslands fyrir aðstoðina,“ segir Jóhanna.

Hér má sjá myndir frá kokteilakeppninni sem lýsa vel stemningunni sem var loftinu.