Patrick Pedersen, danski framherjinn hjá Val, var besti leikmaður 6. umferðar Bestu deildar karla að mati Morgunblaðsins.
Patrick lék mjög vel og skoraði tvö mörk þegar Valsmenn sigruðu KA 3:1 á Hlíðarenda á laugardaginn en hann fékk tvö M hjá Morgunblaðinu fyrir frammistöðu sína.
Þetta er ellefta tímabilið sem Patrick spilar með Val, frá 2013, en hann lék ekki með liðinu árið 2016. Hann hefur nú skorað 104 mörk í 168 leikjum fyrir félagið í efstu deild, fimm þeirra á þessu tímabili.
Umfjöllunin um hann í heild sinni ásamt úrvalsliði umferðarinnar er í Morgunblaðinu í dag.