Axel Stefánsson, fyrrverandi þjálfari kvennalandsliðs Íslands í handbolta, og lið hans Storhamar frá Noregi unnu Evrópudeild kvenna í handbolta í dag. Axel er aðstoðarþjálfari liðsins.
Storhamar lagði Gloria Bistrita frá Rúmeníu í úrslitaleiknum sem fram fór í Graz í Austurríki í dag 29:27 en Storhamar var marki undir í hálfleik, 14:15.
Axel þjálfaði íslenska kvennalandsliðið frá 2015 til 2018 og hefur verið aðstoðarþjálfari Storhama frá 2021. Hann lætur af störfum í sumar.