Háafell, dótturfyrirtæki Hraðfrystihússins – Gunnvarar (HG), hefur fengið rekstrar- og starfsleyfi til að ala regnbogasilung í sjókvíum í Ísafjarðardjúpi. Er þetta langþráð leyfi sem lengi hafa verið í vinnslu.

Silungurinn er að verða tilbúinn í seiðastöð fyrirtækisins og verður settur út í kvíar í Álftafirði síðar í mánuðinum.

„Við erum orðnir óþreyjufullir og þetta er eitthvað til að byrja á, þótt við viljum vera í laxeldi, sem þykir arðbærara,“ segir Kristján G. Jóakimsson, vinnslu- og markaðsstjóri HG. Fram kemur á vef fyrirtækisins að liðin eru tæp níu ár síðan fyrirtækið óskaði eftir stækkun á fyrri leyfum og ferlið verið hlykkjótt, að því er fram kemur í umfjöllun um mál þetta í Morgunblaðinu í dag.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir