Tveir spilarar voru með annan vinning í lottóútdrætti kvöldsins og hlýtur hvor um sig 159 þúsund krónur í vinning. Miðarnir voru keyptir í Prinsinum í Hraunbæ og á Lotto.is.
Enginn hlaut fyrsta vinning og verður pottur næstu viku því tvöfaldur.
Enginn var með allar tölur í Jókernum en sex voru með fjórar réttar tölur í röð og fær hver 100 þúsund krónur í sinn hlut.
Miðarnir voru keyptir í Olís við Tryggvabraut á Akureyri, Bensínsölunni Kletti í Vestmannaeyjum, Happahúsinu Kringlunni, Krambúðinni á Selfossi. Tveir voru í áskrift.