Húseigendur á Íslandi borga tæpa þrjá milljarða króna árlega í ofanflóðasjóð en einungis einn milljarður er nýttur í slík verkefni. Afgangurinn rennur í ríkissjóð, þrátt fyrir mikilvægi þess að ráðist sé í öflugar framkvæmdir vegna varnargarða og annars.

Þetta sagði Halldór Halldórsson, formaður ofanflóðasjóðs og fyrrverandi bæjarstjóri á Ísafirði, í útvarpsþættinum Sprengisandi á Bylgjunni í gær. Þrátt fyrir að svo miklir fjármunir eigi að renna í sjóðinn er ómögulegt fyrir ofanflóðanefnd að sækja í hann.

„Ef þú opnar kistuna er ekkert í henni,“ sagði Halldór, sem telur að ef ráðist yrði í útboð á framkvæmdunum strax ætti að vera hægt að ljúka þeim fyrir árið 2022. Halldór og ofanflóðanefnd hafa ítrekað leitað til stjórnvalda vegna málsins. „Ef við fengjum að ráða myndum við nota allt fjármagnið. Það er vont að völdin séu hjá Alþingi sem hlustar ekki á okkur,“ segir Halldór í Morgunblaðinu í dag.

Tengdar fréttir

Snjóflóð á Flateyri og Súgandafirði

„Flateyringar eru alveg sultuslakir“

• Enn unnið að hönnun þó þrjú ár séu frá snjóflóði
• Reynt að auka virkni varnargarða
• „Mér finnst ég enn þá örugg hérna“
• 265 þúsund tonna snjóflóð

» Fleiri tengdar fréttir