Alls greindust 45 ný kórónuveirusmit innanlands í gær, þar af 36 í einkennasýnatökum og níu í sóttkvíar- og handahófsskimun.
Af þeim sem greindust voru 28 í sóttkví. Voru því sautján utan sóttkvíar.
Þrjúsmit greindust við landamærin og er mótefnamælingar beðið í öllum tilvikum. Þrír greindust með virk smit á landamærunum á miðvikudag og tveir á þriðjudag. Báða dagana greindist einn með mótefni á landamærum.
400 manns eru í einangrun með virk smit og 2.362 í sóttkví. Í skimunarsóttkví eru 1.685 manns.
Tveir eru á sjúkrahúsi og fjölgar um einn á milli daga.