Hjónin og tónlistarmennirnir Hildur Vala Einarsdóttir og Jón Ólafsson hafa sett sína huggulegu íbúð við Tómasarhaga á sölu. Um er að ræða 165 fm íbúð sem stendur í húsi sem byggt var 1958. 

Íbúðin er nýuppgerð að hluta til en í eldhúsinu er nýleg eldhúsinnrétting sem er sérsmíðuð. Eldhúsið er opið inn í borðstofu og afar vel skipulagt. 

Litapalletta heimilisins er mjúk og falleg. Þar er að finna nokkra gráa tóna sem passa vel saman. Meðfram parketlögðum gólfum eru hvítir gólflistar og fá loftlistar að njóta sín vel. 

Af fasteignavef mbl.is: Tómasarhagi 51