Á þetta að vera kjóll?

Á bresku tónlistarverðlaunahátíðinni BRET í vikunni mætti tónlistarfólk í sínum fallegustu fötum. Tískan á viðburðinum sýndi svo ekki sé um villst að alls konar stefnur og straumar eru í gangi núna. 

Kjóllinn sem vakti hvað mestu athyglina var kjóllinn sem Montana Brown klæddist. Hann var algjörlega gegnsær og sýndi bakendann þannig að Brown hefði allt eins getað mætt í sundfatnaði einum klæða.

Fleiri aðilar mættu í áberandi fatnaði. Myndirnar segja meira en mörg orð en svo virðist sem stórir pokakjólar séu vinsælir um þessar mundir. Áberandi slár fyrir karla og glansandi sloppar ef eitthvað er að marka það sem poppstjörnurnar og fræga fólkið klæðist.