Fá skip eru á miðunum nú þegar suðaustanstormur hefur gengið yfir landið með tilheyrandi brælu á miðunum, en samkvæmt upplýsingum frá Landhelgisgæslunni voru 94 skip í ferilvöktunarkerfum stjórnstöðvar hennar klukkan hálfsjö í morgun og þar af var 81 íslenskt.

Hluti skipanna hefur leitað vars undir Grænuhlíð við norðanvert mynni Ísafjarðardjúps, eða „Hótel Grænuhlíð“ eins og svæðið er stundum kallað á dögum sem þessum, að því er fram kemur á vef Landhelgisgæslunnar.

Sjá staðsetningar skipanna

Ef smellt er á hlekkinn hér að ofan má sjá hvar átta togarar dóla þarna í rólegheitum. Í vændum eru enn frekari illviðri á næstu dögum svo búast má við að gestkvæmt verði áfram á hótelinu svokallaða.

Grænahlíð og Riturinn yst. Fram undan honum skagar Straumnesið fram. mbl.is/Sigurður Bogi

Tengdar fréttir

Óveður í janúar

Varað við staðbundnu flóði

• Tjónum ekki fjölgað og fólk gerir ráðstafanir
• Stormurinn í beinni
• Lausamunir geta líka verið stórir
• Stórhættuleg hálka á stígum

» Fleiri tengdar fréttir

• Blogga um frétt