Elsti bátur flotans kemur til hafnar

Á myndinni hér að ofan má sjá Þorstein ÞH 115 frá Raufarhöfn koma að landi í Njarðvík eftir netaróður. Báturinn er einn af minni Svíþjóðarbátunum svonefndu, en hann var smíðaður árið 1946 og er elsti bátur flotans sem gerður er út til fiskveiða.

Myndin birtist í nýjasta sjávarútvegsblaði 200 mílna sem kom út á föstudaginn, en meðal umfjöllunarefna í blaðinu að þessu sinni má nefna laxeldi, bæði hér á landi og í Síle, framandi lífverur við strendur Íslands, stöðu smábátaveiða og fiskmarkaða, smáþörungarækt og svo mætti lengi telja.

• Blogga um frétt