Margir vildu mark setja á Sjávarútvegshúsið

„Glitur hafsins“, verk Söru Riel, bar sigur úr býtum í samkeppni um nýtt listaverk á austurgafli Sjávarútvegshússins sem atvinnuvega- og nýsköpunarráðuneytið efndi til í samstarfi við Samband íslenskra myndlistarmanna í nóvember á síðasta ári.

Kallað var eftir tillögum að verki með skírskotun í sögu sjávarútvegs á Íslandi, en auk listrænna gæða var lögð áhersla á að verkið tæki tillit til umhverfisins, félli vel að svæðinu og þyldi íslenska veðráttu.

Úrslit keppninnar voru loks tilkynnt um miðjan mars, en hér að neðan má sjá megnið af þeim tillögum sem bárust í keppnina.