Veiðifélag Víðidalsár mótmælir öllum hugmyndum um útgáfu eldisleyfa á norskum kynbættum laxi í opnum sjókvíum, bæði á Vestfjörðum og Austfjörðum. Þetta kemur fram í tilkynningu sem félagið hefur sent frá sér í kjölfar aðalfundar þess sem haldinn var á mánudag.

Í ályktun fundarins, sem samþykkt var samhljóða, segir að Hafrannsóknastofnun hafi lagst gegn „stjórnlausu laxeldi“ í sjókvíum í áhættumati sínu og er stofnunin sögð telja að það geti stórskaðað villta laxastofna landsins.

„Þá bendir fundurinn á nálægð við verðmætar laxveiðiár allt í kringum landið og þau miklu náttúruverðmæti sem þar eru í húfi. Fundurinn átelur Skipulagsstofnun fyrir hringlandahátt svo sem í Ísafjarðardjúpi, þegar stofnunin dró til baka álit sitt nýverið þar sem stofnunin lagðist gegn fyrirhuguðu laxeldi,“ segir í ályktun fundarins.

„Fundurinn skorar á núverandi umhverfisráðherra Guðmund Inga Guðbrandsson, að sitja ekki hjá í þessu mikilvæga náttúruverndarmáli.“

42 bæir

• Alþingi hefur nú til meðferðar frumvarp um breytingar á ýmsum lagaákvæðum sem tengjast fiskeldi.
• Að baki Veiðifélagi Víðidalsár eru 42 bæir.
• Víðidalsá rennur af húnvetnsku heiðunum um Víðidalinn og fellur þaðan í stöðuvatnið Hópið. Áin er ein af þekktustu og gjöfulustu silungs- og laxveiðiám landsins.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt