Vörur ORA tilnefndar til verðlauna

Vörur íslenska matvælaframleiðandans ORA hafa verið tilnefndar sem vörur ársins á sjávarútvegssýningunni í Brussel, sem fram fer dagana 24.-26. apríl. Þá er vörulína fyrirtækisins í heild sinni tilnefnd til verðlauna sem vörulína ársins.

Þetta kemur fram í tilkynningu frá ORA, en um er að ræða vörurnar „Crea­my masago bites“, sem út­lagst gæti á ís­lensku sem rjóma­kennd­ir loðnu­hrogna­bit­ar, „Crunchy caviar bites“, það er stökka kavíarbita, og „Rich langoustine soup“, eða ljúffenga humarsúpu.

Sjávarútvegssýningin í Brussel er sú allra stærsta í heiminum á þessu sviði og stendur árlega fyrir vali á bestu nýju vörum ársins.  Allar vörurnar sem tilnefndar eru verða sérstaklega prófaðar og metnar af fagmönnum og innkaupafólki úr smásölu og stóreldhúsageiranum, auk þess sem sérfræðingar í nýjum matvörum leggja mat sitt á þær.

Tilkynnt verður hver vara ársins er við hátíðlega athöfn á þriðjudagskvöldið í sýningarhöllinni í Brussel.

Frétt af mbl.is

ORA-rétturinn skaraði fram úr

Nánast tilbúnir í pakkningunum

Áður hefur ORA unnið til verðlauna á sjávarútvegssýningunni í Boston.

Verðlaun­in voru veitt fyr­ir áðurnefnda loðnuhrognabita, en rétturinn samanstendur af masago, sem unnið er úr ís­lensk­um loðnu­hrogn­um, laxamús úr ís­lensk­um eld­islaxi, og ses­am-brauðkexi. 

„Rétt­irn­ir eru nán­ast til­bún­ir í pakkn­ing­un­um og krefjast sára­ein­faldr­ar elda­mennsku og fárra mín­útna,“ sagði Jó­hann­es Eg­ils­son, út­flutn­ings­stjóri ORA, í um­fjöll­un um verðlaunin í Morgunblaðinu í mars.

• Blogga um frétt