„Þetta frumvarp er í heild sinni ákveðin vonbrigði og ég veit ekki á hvaða vegferð Vinstri grænir eru. Þessi leiðangur gengur fyrst og fremst út á að lækka gjaldið á útgerðinni,“ segir Þorgerður Katrín Gunnarsdóttir, formaður Viðreisnar, um nýtt veiðigjaldafrumvarp Kristjáns Þórs Júlíussonar sjávarútvegsráðherra.

Frétt af mbl.is

Álagning veiðigjalda færist nær í tíma

Meðal helstu breytinga sem frumvarpið felur í sér er að álagning veiðigjalda verður færð nær í tíma þannig að veiðigjöld byggja á ársgömlum gögnum um afkomu sjávarútvegsfyrirtækja í stað um tveggja ára líkt og nú er, veiðigjald verður eingöngu lagt á veiðar en ekki hagnað fiskvinnslu líkt og í núverandi fyrirkomulagi gjaldanna. Þá verður tekið tillit til fjárfestinga í sjávarútvegi.

Þorgerður gagnrýnir að sama skapi að ekkert sé talað um tímabundna samninga um aðgang að auðlindinni, en án slíkra ákvæða sé verið að festa eignarréttindi í sessi. „Þetta var alltaf fyrirsjáanlegt með Sjálfstæðisflokkinn og Framsóknarflokkinn. Þetta er lækkun á útgerðinni í heild. Ég skil ekki hvað Vinstri grænir eru að gera með þessu. Það er engin viðurkenning á að þetta sé sameign þjóðarinnar, heldur er þetta bara falið í skattkerfinu og að mínu mati ekki ákjósanleg leið,“ segir Þorgerður.

 „Það er verið að koma á nýjum tekjuskatti í stað þess að þetta verði gjald fyrir aðgang að auðlindinni,“ segir hún. „Þetta á að vera gjald sem þú greiðir fyrir aðgang að auðlindinni. Við í Viðreisn höfum talað fyrir því að það sé best að gera það í gegnum markaðinn.

Tengdar fréttir

Veiðigjöld

Veiðigjöld tóku breytingum

• Greiddu rúma 10 milljarða í veiðigjöld
• 7,9 milljarða í veiðigjöld á 9 mánuðum
• Auðlindagjöld skili 12,2 milljörðum króna
• Mestu veiðigjöld síðustu fimm ár

» Fleiri tengdar fréttir

• Blogga um frétt