Óttar Yngvason, lög­maður nátt­úru­vernd­ar­sam­taka og veiðirétt­hafa, segir það ekki boðlegt að stjórnvöld reyni að fara fram hjá úrskurði sjálfstæðrar úrskurðarnefndar með því að leggja fram frum­varp til laga um breyt­ing­ar á lög­um um fisk­eldi. Þetta kom fram í máli Óttars í Kastljósi í kvöld.

Kristján Þór Júlíusson, sjáv­ar­út­vegs- og land­búnaðarráðherra, hyggst leggja fram á Alþingi fyrrnefnt frumvarp sem ger­ir ráð fyr­ir að í þeim til­vik­um sem rekstr­ar­leyfi er fellt úr gildi geti ráðherra að feng­inni um­sögn Mat­væla­stofn­un­ar gefið út rekstr­ar­leyfi til bráðabirgða til allt að tíu mánaða.

Frum­varpið er lagt fram eft­ir að úr­sk­urðar­nefnd um um­hverf­is- og auðlinda­mál ógilti bæði starfs- og rekstr­ar­leyfi Fjarðalax og Arn­ar­lax fyr­ir fisk­eldi í Pat­reks­firði og Tálknafirði.

Frétt af mbl.is

„Það var ekkert annað í boði“

Óttar sagði í Kastljósi að það væri eiginlega óheyrt að framkvæmdavaldið og jafnvel löggjafarvaldið líka, grípi inn í ferli dómsmáls eftir úrskurð nefndar líkt og úrskurðarnefndar um umhverfis- og auðlindamál. Óttar segir að enginn vafi sé á að með frumvarpinu séu stjórnvöld að brjóta lög.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt