Furða sig á lagasetningunni
Setja bókamerki
Landssamband veiðifélaga lýsir yfir vonbrigðum með þá niðurstöðu Alþingis að breyta fiskeldislögum þannig að opnað sé á möguleika ráðherra til að gefa út rekstrarleyfi til bráðabirgða til allt að 20 mánaða.
Þetta segir í tilkynningu frá sambandinu, en frumvarp Kristjáns Þórs Júlíussonar, sjávarútvegs- og landbúnaðarráðherra, um breytingar á lögum um fiskeldi, var samþykkt á Alþingi á tólfta tímanum í gærkvöldi. Frumvarpið felur í sér heimild til ráðherra til þess að gefa út rekstrarleyfi til bráðabirgða vegna fiskeldis.
Lýsir sambandið furðu sinni á því að hafa á engu stigi fengið að hafa umsögn um umrædda lagasetningu.
Bendir á hugmyndir um tilraunaeldi
„Af umræðum undanfarna daga verður að teljast líklegt að þessi heimild verði notuð til að draga úr áhrifum úrskurða sem eru umhverfinu í hag. Er málum virkilega þannig komið að sé nægjanlegum þrýstingi beitt víki reglur um umhverfisvernd?“
Sambandið bendir þá á að ekki séu liðnir nema nokkrir mánuðir, „síðan kynntar voru hugmyndir Hafrannsóknastofnunar um 3.000 tonna „tilraunaeldi“ í Ísafjarðardjúpi. Virðist það vera gert gagngert til að komast framhjá áhættumati um erfðamengun sem hafði í raun lokað fyrir eldi frjórra norskra laxa í Djúpinu.“
Unnendur náttúru verði sérstaklega á verði
Stuttu áður hafi álit Skipulagsstofnunar, sem lagst hafi gegn eldi frjórra laxa, verið dregið til baka eftir mikinn pólitískan þrýsting.
„Eftir „velheppnaða“ herferð Landssambands fiskeldisstöðva gegn úrskurði Úrskurðarnefndar auðlinda og skipulagsmála má búast við að eldi frjórra laxa í Djúpinu verði næsta markmið, ásamt frekari tilslökunum á lögum um fiskeldi.
Landssamband veiðifélaga hvetur unnendur íslenskrar náttúru til þess að vera sérstaklega á verði gagnvart frekari tilslökunum á reglum er varða umhverfisvernd. Einnig þeirri tilhneigingu, að sé nægum pólitískum þrýstingi beitt víki umhverfisverndin alltaf.“
Sáttur við sína stöðu og finnur fyrir meðbyr
Búið að bólusetja börn alla helgina
„Mér finnst Halla Hrund svona Vigdísarleg“
Áköf mótmæli í bandarískum háskólum
Áverkar bentu til manndráps
Fara ekki lengur fram á einangrun yfir Davíð