Mestu munaði hjá Breka

Fiskistofa hefur birt niðurstöður vigtana með tilliti til íshlutfalls hjá þeim vigtunarleyfishöfum þar sem veiðieftirlitsmenn Fiskistofu hafa haft eftirlit með endurvigtun í september og október. Eins og sjá má af töflunni hér að neðan er almennt fremur lítill munur á íshlutfallsmeðaltali annars vegar og íshlutfalli við yfirstöðu eftirlitsmanns hins vegar.

Heimild: Fiskistofa.

Hvað varðar þau tilfelli þar sem minna var um ís við yfirstöðu eftirlitsmanns, munaði mestu hjá Breka, skipi Vinnslustöðvarinnar, og þar á eftir í tveimur tilfellum hjá Kristínu, skipi Vísis í Grindavík.

Taflan sýnir samanburð á vegnu meðalíshlutfalli hvers vigtunarleyfishafa þegar eftirlitsmaður var ekki á vettvangi og íshlutfallinu þegar eftirlit var haft með vigtuninni, en vegið meðalíshlutfall er íshlutfall vigtunar þegar tekið er tillit til heildarmagns sem vigtað er í öllum vigtunum frá tilteknu skipi hjá viðkomandi leyfishafa. 

Ástæður breytilegs íshlutfalls eru á vef Fiskistofu sagðar geta verið margvíslegar. Það sé hlutverk Fiskistofu að hafa eftirlit með að vigtun á sjávarafla sé sem réttust.

• Blogga um frétt