Kristian B. Matthíasson, einn stofnenda Arnarlax og forstjóri félagsins, lætur af starfi á næsta ári að eigin ósk, en hann hyggst flytja aftur til Noregs ásamt fjölskyldu sinni næsta sumar.

Kristian mun taka sæti föður síns Matthíasar Garðarssonar í stjórn félagsins auk þess sem hann mun sinna sérverkefnum tengdum framtíðaráformum Arnarlax.

Björn Hembre tekur við

Stjórn félagsins hefur ráðið Björn Hembre sem forstjóra, en hann hefur störf í byrjun næsta árs. Björn er líffræðingur að mennt og á langan og farsælan feril sem stjórnandi hjá laxeldisfyrirtækjum í Noregi að því er fram kemur í tilkynningu stjórnar Arnarlax.

Í tölvubréfi til starfsmanna segir Kristian að ákvörðunin hafi ekki verið auðveld, hann hafi verið hamingjusamur á Bíldudal. Norski vefurinn ilaks.no greinir frá. Þá kemur fram að hann sé ánægður með eftirmann sinn. 

„Ég er þess fullviss að Björn hefur margt nýtt fram að færa þannig Arnarlax geti orðið fyrirtækið sem við viljum,“ sagði hann.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt