Línubátur í vanda við Hornstrandir

Bilun kom upp í stýrisbúnaði Guðmundar Einarssonar ÍS, 15 tonna línubáts, norður af Hornströndum á sjöunda tímanum í kvöld og var björgunarskipið Gísli Jóns frá Ísafirði kallað út.

Átti áhöfn bátsins, sem gerður er út frá Bolungarvík, erfitt með að stýra bátnum, að því er fram kemur í tilkynningu frá Landsbjörg. 

Báturinn gengur fyrir eigin vélarafli og sigldi til móts við björgunarskipið. Mættust bátarnir í Aðalvík og er Gísli Jóns kominn með bátinn í tog áleiðis til Bolungarvíkur. Engin slys urðu á fólki.

• Blogga um frétt