Sjómanna- og vélstjórafélag Grindavíkur (SVG) lýsir yfir ánægju sinni með þá ákvörðun stjórnar Gildis lífeyrissjóðs að selja hlutabréf lífeyrissjóðsins í Brimi hf., sem áður hét HB Grandi, og þakkar Gildi fyrir að taka þessa ákvörðun. Þetta kemur fram í tilkynningu frá SVG.

Einnig kemur fram í tilkynningunni að Einar H. Harðarson formaður SVG hafi lagt fram tillögu um að Gildi ætti að selja öll hlutabréf sín í HB Granda/Brimi á sjóðsfélagafundi lífeyrissjóðsins í nóvember síðastliðnum.

Sú tillaga var rökstudd með því að Guðmundur Kristjánsson, forstjóri og stærsti hluthafi sjávarútvegsfyrirtækisins, hefði með ákvörðunum síðastliðin misseri „leynt og ljóst grafið undan stöðu sjómanna í landinu og unnið gegn hagsmunum þeirra“.

Frétt af mbl.is

Ekki léttvæg ákvörðun

Davíð Rúdólfsson, forstöðumaður eignastýringar og staðgengill framkvæmdastjóra Gildis lífeyrissjóðs, ræddi söluna í Morgunblaðinu í gær, en um var að ræða 8,49% hlut í Brimi, sem seldur var til FISK Seafood. Ákvörðunin var tekin í kjölfar kaupa Brims á sölufélögum í eigu Útgerðarfélags Reykjavíkur, sem er í eigu forstjóra Brims.

Frétt af mbl.is

Kaup á sölufélögum samþykkt

„Þetta voru ekki fyrstu viðskipti Brims við tengd­an aðila, og okk­ur fannst þetta vera orðin helst til um­fangs­mik­il viðskipti við fé­lag í eigu for­stjór­ans og stærsta hlut­haf­ans. Það sem miklu máli skipt­ir í þessu til­felli er hvað kaup­in á sölu­fé­lög­un­um leiða til mik­ill­ar aukn­ing­ar á hlut Útgerðarfé­lags Reykja­vík­ur í fé­lag­inu, og þar með til þreng­inga á eign­ar­haldi Brims, sem olli okk­ur áhyggj­um,“ sagði Davíð.

Gildi á áfram 0,2% hlut í Brimi eft­ir söluna.

Tengdar fréttir

Brim

Stjórn Brims helst óbreytt

• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi
• „Það þorir enginn að anda á hann“

» Fleiri tengdar fréttir

• Blogga um frétt