Velta sjávarútvegsins 104 milljarðar í júlí og ágúst

Af virðisaukaskattskyldri veltu í júlí og ágúst 2019 jókst velta mest í sjávarútvegi og tengdum greinum borið saman við sama tímabil í fyrra. „Velta í sjávarútvegi var 16,8% meiri í júlí-ágúst 2019 en á sama tímabili árið áður. Á sama tíma jókst velta í heild- og umboðsverslun með fisk um 18,2%,“ segir á vef Hagstofu Íslands.

Virðisaukaskyld velta fiskveiða, fiskeldis og vinnslu sjávarafurða nam 56 milljörðum króna í júlí til ágúst 2018, en 65 milljörðum á sama tímabili þessa árs. Þá nam heild- og umboðsverslun með fisk á þessu tímabili 33 milljörðum króna í fyrra og 39 milljörðum á þessu ári.

Samtals nam því velta af sjávarútvegi og tengdum greinum 104 milljörðum króna.

• Blogga um frétt