Þorsteinn Már Baldvinsson hefur óskað eftir því að fara í „ótímabundið leyfi“ frá störfum sínum sem stjórnarformaður Síldarvinnslunnar. Þetta staðfestir Gunnþór Ingvason framkvæmdastjóri fyrirtækisins í samtali við mbl.is, en áður var greint frá í kvöldfréttum Stöðvar 2.

Ingi Jóhann Guðmundsson tekur við stjórnarformennsku í fyrirtækinu í stað Þorsteins Más og Halldór Jónsson kemur nýr inn í stjórnina. Samherji er stærsti eigandi Síldarvinnslunnar og á þar um það bil 45% hlut.

Ingi Jóhann, nýr stjórnarformaður, er framkvæmdastjóri útgerðarfyrirtækisins Gjögurs og annar stærstu eigenda þess ásamt systur sinni Önnu Guðmundsdóttur.

Ingi Jóhann Guðmundsson, framkvæmdastjóri útgerðarfyrirtækisins Gjögurs, tekur við stjórnarformennsku Síldarvinnslunnar af Þorsteini Má. mbl.is/Sigurður Bogi

Sex dagar eru síðan fréttaskýringarþátturinn Kveikur fjallaði um viðskipti Samherja í Namibíu. Síðan þá hefur Þorsteinn Már stigið til hliðar sem forstjóri Samherja, þar sem Björgólfur Jóhannsson tók við starfi hans.

Frétt af mbl.is

Þorsteinn segir sig úr stjórn Framherja

Í dag var einnig greint frá því í færeyskum fjölmiðlum að hann hefði sagt sig úr stjórn útgerðarfélagins Framherja í Færeyjum, þar sem hann var stjórnarformaður.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt