Banna sæbjúguveiðar á suðursvæði við Austurland

Sæbjúguveiðar hafa verið bannaðar á veiðisvæði út af Austurlandi, svokölluðu suðursvæði, og tók bannið gildi í gær samkvæmt reglugerð sett af Kristjáni Þór Júlíussyni, landbúnaðar- og sjávarútvegsráðherra, og hefur verið birt á vef atvinnuvegaráðuneytisins.

Atvinnuvegaráðuneytið upplýsir að reglugerðin hafi verið sett í samræmi við ráðgjöf Hafrannsóknastofnunar frá því í mars. Þar segir að stífar veiðar hafa verið stundaðar á svæðinu og „eru greinileg merki um fall í afla á sóknareiningu sem bendir til að veiðar hafi verið umfram afrakstursgetu stofnsins.“

• Blogga um frétt