Sjómaður slasaðist úti fyrir Grindavík

Björgunarskip voru kölluð út í tvö mismunandi verkefni á sjötta tímanum. 

Björgunarskipið á Rifi var fyrst kallað út vegna báts sem hafði fengið eitthvað í skrúfuna. Nærstaddur bátur fylgdi honum að landi en þörf var á aðstoð björgunarskipsins til að ljúka verkefninu.

Skömmu síðar var björgunarskip í Grindavík kallað út vegna sjómanns sem hafði slasast um borð í skipi úti fyrir Grindavík.

Davíð Már Bjarnason, upplýsingafulltúi Landsbjargarm, segist ekki vita hvort meiðsli hans séu alvarleg. Skipið sigldi til móts við björgunarskipið til að hægt væri að koma manninum sem fyrst í land.

Bílar fastir á Steingrímsfjarðarheiði

Einnig barst útkall vegna bíla sem voru fastir á Steingrímsfjarðarheiði en þar er mjög slæmt skyggni og þæfingur.

Björgunarsveitin á Hólmavík ætlaði á staðinn til að aðstoða ökumennina.

• Blogga um frétt