Brim hefur gengið frá samkomulagi um kaup á þriðjungs hlut í Iceland Pelagic ehf., af Ísfélagi Vestmannaeyja og Skinney-Þinganesi.

Þetta kemur fram í tilkynningu frá Brimi. Aðilar muni eiga jafnan hlut í Iceland Pelagic ehf., en félagið er sölufyrirtæki sem hefur mest selt frosnar uppsjávarafurðir á erlenda markaði, aðallega inn á Austur-Evrópu og Afríku.

Með kaupunum vilji Brim fylkja liði með fleiri framleiðendum íslenskra uppsjávarafurða í afurðasölu á erlenda markaði. Í kjölfar mikilla óvissutíma er varðar fiskistofna og rekstrarumhverfi almennt sé mikilvægt að styrkja markaðsstöðu íslenskra uppsjávarafurða í sífellt harðari samkeppni á erlendum mörkuðum. Kaupin séu gerð með eðlilegum fyrirvörum.

Rekstrarhagnaður félagsins á árinu 2019 var 175 milljónir og eigið fé í lok árs 480 milljónir. 

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt