Göt á tveimur sjókvíum í Ísafjarðardjúpi
Setja bókamerki
Matvælastofnun barst tilkynning frá Sjávareldi (Hábrún hf.) 20. mars um göt á nótapoka tveggja sjókvía fyrirtækisins í Ísafjarðardjúpi. Götin uppgötvuðust við neðansjávareftirlit 19. mars og er viðgerð lokið.
Þetta kemur fram á vef MAST. Þar segir enn fremur að samkvæmt upplýsingum Sjávareldis (Hábrúnar hf.) hafi götin þrjú verið um 20x30 cm hvert á um 2 metra dýpi. Í þessum tilteknu kvíum voru í hvorri rúmlega 26.000 regnbogasilungar með meðalþyngd 1,1 kg. Þá segir MAST að neðansjávareftirlit hafi áður verið framkvæmt 19. október sl. og var nótarpoki þá heill.
„Matvælastofnun hefur kallað eftir gögnum og upplýsingum er varða viðbrögð fyrirtækisins og er atvikið til meðferðar hjá stofnuninni. Sjávareldi (Hábrún hf.) lagði út net til að kanna hvort strok hafi átt sér stað og var Fiskistofa upplýst um málið. Netanna var vitjað bæði á föstudag og laugardag. Enginn silungur veiddist og hefur veiðiaðgerðum verið hætt.“
Kveðst tala af virðingu: „Ég er enginn dóni“
Hafa samþykkt kaup fyrir um 9,2 milljarða
Hægagangur og vaxandi ókyrrð
Kvikan virðist nú skiptast til helminga
Færa slökkviliðið til nútímans
„Menn eru bara búnir að forgangsraða“